Cimilo-Awaal: Daraasado ku Saabsan Doorsoonka Cimilada
PUBLICATION
• Perennial Plants Mortality in the Guban Areas of Somaliland
• “the Impact of Climate Change on Pastoral Communities in Balli-Gubadle and Salahley Districts, in Somaliland”.
Saddexdan daraasadood waxa ka dhaxeeya xidhiidh toos marka la eego mawduuca lagaga faallooday – kaas oo ah doorsoonka cimilada iyo saamayntiisa. Ha yeeshee waxa 3-da daraasadood lagu bar-tilmaansaday saddex aag-deegaan oo ka tirsan Somaliland oo ay kala duwan yihiin qaabka dhaqan-dhaqaale ee bulshooyinka ku nooli iyo cimiladuba. Mid ka mid ahi waxa uu xoogga saaray saamaynta uu doorsoonka cimiladu ku yeeshay xoolo-dhaqatada; halka ka labaad uu baadhitaan ku sameeyey dhulka xeebaha u dhexeeya Berbera ilaa Lughaya oo sannaddadan dambe la arkay qaar ka mid ah dhirta qodaxlayda ah oo si xoog leh ugu dhimanaysa.
Daraasadda saddexaad waxa ay xoogga saaraysaa raadaynta doorsoonka cimilo ku yeelatay dhulka lagaga dhaqmo isku-dhafka beeraha iyo xoolaha ee Gobolka Gabiley. In kasta oo ay daraasad waliba iskeed u taagan tahay, haddana 3-da daraasadood oo la isla akhriyaa waxa ka soo bixi kara muuqaal ama sawir dhammays-tiran oo ku saabsan saamaynta doorsoonka cimilo iyo dadaallada ay bulshooyinka kala geddisani ku tallaabsanayaan si ay ula jaan-qaadayaan saamaynta doorsoonka cimilo.